متابعات 

يا الصباح أختار ربي قربكم     

نستودعك رب العباد الصالحين

الدموع تهل لأجل فراقكم      

والحمدلله لإمر ربي طايعين

مالنا غير الصبر واللي بكم     

هو بنا ياكويت هلت كل عين

نسأل الله إن يعظم أجركم       

فالأمير اللي على تقوى ودين 

وأهلنا أنتم وحنا أهلكم               

ذا قضا ربي وقدره كان والمولى يعين 

نسأل الخالق يجازي صبركم    

طيب من نسل صباح الطيبين 

باليد البيضاسطر مجدكم   

هكذا دأب الرجال المخلصين 

ياكويت أنتم لنا وحنا لكم    

بالشريعه الواضحه متمسكين 

ياديار العز أبد ماتهزكم       

الحوادث والرزايا واثقين

حبنا ثابت موكد حبكم       

قبل أو من بعد مع طول السنين 

بالإشاره لانبيتو سعدكم    

المملكه وآل السعود قريبين 

والسعودي يفتخر هو عضدكم     

وأنتم اعضود لنا في كل حين 

ولا عاش من يبقى يعكر صفوكم      دايماً معكم شمال ومن يمين 

ياهلا ويزيد ربي فضلكم    

شعب طيب راشدين ومرشدين 

كله العالم نرى من حولكم   

فاهمين اجهودكم ومقدرين 

خيركم ضافي بسر وجهركم    

ويكفي إن الله يحب المحسنين 

لليتامى والأرامل عطفكم    

وفزعة الملهوف للمتضررين 

من شمال وجنوب وغرب وشرقكم     رافعين إيدينهم متضرعين  

أبشرو الله العزيز يعزكم   

مع ولي العهد عشتو موفقين 

ويرحم الله من رحل من قبلكم    

وعاشت الأسره بصحة أجمعين 

ونسأل القادر يقوي عزكم    

ياشباب الغد ذخر الشايبين

ويا خليج الله يضمد جرحكم   

ويجبر الأمه ولا يبقى حزين 

وعلى النبي صلوا فرادا وجمعكم   

كل مايطرأ  إمام المتقين 

مع التحيات 

الشاعر/عايش بن حمادي الجحدلي